Clique-Gschicht

Mir Trotzchöpf sy 1982 usere Cliquespaltig entstande. Wyll mir ebe trotzdäm hai welle Fasnacht mache, isch der Name Trotzchöpf entstande. Im 1983 hai mir denn s erscht Mool als „Trotzchöpf Lieschtel“ an der Fasnecht z Lieschtel mitgmacht. Sythäär hai mir an jedem Umzug in Lieschtel mit eme eigene Sujet teilgnoo - emol mit es Bitz mee, emol mit es Bitz weniger Trotzchöpf. Aber immer sy mir mit grosser Freud und „Engagement“ derby gsi. Öisi Clique bestoot zur Zyt us zwei Pfyffer, eim Tambour und drei Vorträbler. Toll fände mirs, wenn mir es paar neuji Fasnächtler in öisne Reije chönnte begrüesse. Mir hais immer luschtig zämme! Mälde chasch Du di ganz unverbindlich under „Kontakt“.

D Gselligkeit ghört by öis genauso zum Vereinsläbe wies Üebe vo nöje Märsch. Underem Joor dräffä mir öis regelmässig zur Üebigsstund im Stedtli, ebefalls dräffe mir öis au no mängisch zume „Summernachtsplausch“ oder ämene „Wyyenachtsässe“. Euses Sujet döje mir jewyls im Herbscht zämme bestimme. 

Wie de gseesch, sy mir e bunte Huffe - vellicht au mit es paar Chaote. Hets Di jetzt öbbe gluschtig gmacht, um au by öis mitzmache?

Mir fröjen öis uf jede nöje Trotzchopf – glych, öb mit Piccolo, Drummle oder als Vorträbler